ئۇيغۇر ئېلىدا 2017-يىلىدىن بېرى يېرىم مىليوندىن ئارتۇق ئادەم ئۇزۇن مۇددەتلىك كېسىۋېتىلگەن

ئۇيغۇر ئېلىدا 2017-يىلىدىن بېرى يېرىم مىليوندىن ئارتۇق ئادەم ئۇزۇن مۇددەتلىك كېسىۋېتىلگەن

خەلقئارا كىشىلىك ھوقۇقنى كۆزىتىش تەشكىلاتى ئۇيغۇر ئېلىدا يېقىنقى بىر قانچە يىل ئىچىدە تەخمىنەن يېرىم مىليوندىن ئارتۇق ئادەمنىڭ خىتاي سوت مەھكىمىلىرى تەرىپىدىن كېسىلىپ، تۈرمىگە تاشلانغانلىقىنى ئاشكارىلىغان.

كىشىلىك ھوقۇقنى كۆزىتىش تەشكىلاتىنىڭ 14-سېنتەبىر كۈنى ئېلان قىلغان دوكلاتىدا مۇنۇلار دېيىلگەن:

«شىنجاڭ يۇقىرى خەلق سوت مەھكىمىسىنىڭ ستاتىستىكىسىغا قارىغاندا، 2017-يىلدىن 2018-يىلغىچە بولغان ئارىلىقتا جازا ھۆكۈم قىلىنغانلارنىڭ ئومۇمىي سانى 232 مىڭ 524 نەپەر. بۇ رەقەم 2019-يىلى ئېلان قىلىنغاندىن بېرى شىنجاڭ يۇقىرى خەلق سوت مەھكىمىسى يېڭى رەسمىي جازا ھۆكۈملىرىگە ئائىت سانلىق مەلۇماتلارنى ئېلان قىلىپ باقمىغانىدى. ئەمما شىنجاڭ يۇقىرى خەلق تەپتىش مەھكىمىسى 2022-يىلى 2-ئايدا ئېلان قىلغان دوكلاتىدا، 2017-يىلدىن باشلاپ رايوندا جەمئىي 540 مىڭ 826 كىشىنىڭ سوتلانغانلىقىنى قەيت قىلغان. خىتايدا سوتلانغانلارنىڭ كېسىلىش نىسبىتىنىڭ 99 پىرسەنتتىن يۇقىرى ئىكەنلىكىنى نەزەردە تۇتقاندا، بۇ 540 مىڭ 826 كىشىنىڭ ھەممىسى دېگۈدەك كېسىلگەن بولۇشى مۇمكىن».

خەۋەرنىڭ تولۇقىنى ئوقۇڭ: https://www.rfa.org/uyghur/xewerler/xitay-qanuni-09192022171713.html