شائىر ئابلەت ئابدۇرېشىت بەرقىنىڭ 13 يىللىق كېسىلگەنلىكى دەلىللەندى

شائىر ئابلەت ئابدۇرېشىت بەرقىنىڭ 13 يىللىق كېسىلگەنلىكى دەلىللەندى

تۇتقۇندىكى كۆزگە كۆرۈنگەن شائىر ۋە پېداگوكلاردىن بىرى، شىنجاڭ مائارىپ ئىنستىتۇتىنىڭ ئوقۇتقۇچىسى ئابلەت ئابدۇرېشىت بەرقىدۇر. مۇخبىرىمىزنىڭ ئۇزۇنغا سوزۇلغان ئېنىقلاشلىرى داۋامىدا مائارىپ ئىنستىتۇتى ئابلەت ئابدۇرېشىتنىڭ ئەھۋالى ھەققىدە مەلۇمات بېرىشنى ئىزچىل ھالدا رەت قىلىپ كەلدى؛ ئۇنىڭ يۇرتى لوپ ناھىيەسىنىڭ سامپۇل يېزا ساقچى خادىمى شائىرنىڭ 13 يىللىق كېسىلگەنلىكى ۋە تۇمشۇق تۈرمىسىدە جازا مۇددىتىنى ئۆتەۋاتقانلىقىنى دەلىللىدى.

تور ئارخىپلىرىدىكى ماتېرىياللاردا كۆرسىتىلىشىچە، شائىر ئابلەت ئابدۇرېشىت بەرقى، دوكتورلۇق دىسسېرتاتسىيەسىنى «ئابدۇخالىق ئۇيغۇر» تېمىسىدا ياقىلىغان. بۇ تېمىنىڭ مۇھىملىقى ۋە سەزگۈرلۈكىنىڭ ئۆزىلا، شائىرنىڭ تۇتقۇندا ئىكەنلىكى ھەققىدە جەمئىيەتتە تارقالغان ئۇچۇرلارنىڭ راستلىقىدىن بېشارەت بەرمەكتە ئىدى. ئىككى يىلنىڭ ئالدىدا رادىيومىزغا كەلگەن بىر يازما ئىنكاستا قەيت قىلىنىشىچە، شائىر ئابلەت ئابدۇرېشىت بەرقى، «شىنجاڭ مەدەنىيىتى» ژۇرنىلىدا ئېلان قىلىنغان «ئىقتىسادىي ئاڭ ۋە تەرەققىيات» ۋە «ئساپات ۋە ماغزاپ» قاتارلىق بىر تۈركۈم ماقاللىرى سەۋەبلىك، «بۆلگۈنچىلىك» بىلەن ئەيىبلىنىپ 17 يىللىق كېسىۋېتىلگەن.

خەۋەرنىڭ تولۇقىنى ئوقۇڭ: https://www.rfa.org/uyghur/xewerler/abler-abdureshit-berqi-07252022170447.html